اهات عاشق
Admin
عدد المساهمات : 1096
نقاط : 2996
السٌّمعَة : -1
تاريخ التسجيل : 16/06/2011
 |  موضوع: كلمات من دفتر طفل  الثلاثاء أغسطس 16, 2011 6:33 am | |
|
هذه كلمات مسروقه من دفتر طفل
كتبها بعامية اللغه..ودهشـة الســؤال ؟!
ـــــــــــــــــــــــ
السبــــت:
فتحت عيوني..أدور عن نور..أمروني<غمض>..و...غمضت..
بعدها ما شفت لا ابيض ولا اسود !
الأحــــد:
كنت أسمعهم يقولون:<ألعن أبوك!>يا حيوان>,
<يا ثور>يا لوح>...
فتوقعت اني في حديقة حيوانات..
فتحت عيوني ابغى اشوف هـ(الحيوانات)..
قالوا لي : "ما يصلح تشوف قلة أدب"..
سألتهم : طيب..فيه عصفور؟؟
صرخوا في وجهي : <انطم وغمض>
الاثنيــــن:
سمحوا لي اشوف التلفزيون..
كنت لحالي منسجم مع أفلام كرتون..
دخلت امي..وكان ابو عائلة ادمز(يقبل) أمهم..
ركضت امي ..غيّرت القناة..
وصرخت بأعلى صوتها.."عيب عليك..قاعد تشوف قلة أدب..!!"
ناظرتها بكل براءه وانا متعجب من اللي صار:
" طيب وش صار؟؟ أبوهم يبوس أمهم!.."
قالت لي وهي معصبه (التبويس..قلة حياء!!)
بعدها بأسبوع.. شفت امي تسلم على ام الجيران و(تبوووووسها)..
قلت لها وانا كلي أسى"يا ماما..التبويس قلة حياء!!.."
الثلاثـــاء:
كانوا بنات خالتي عندنا..وكنت الولد الوحيد اللي يلعب معاهم..
وأبوي بس يبحلق عيونه فيني وين ما رحت ووين ما جيت..
بعد ما راحوا..ناداني أبوي وقال :
"عيب الواحد يجلس مع بنات..قلة أدب..!"
بعدها بكم يوم..كان أبوي جالس مع عماتي..
ناظرته بطرف عين (وتبون الصدق حقدت عليه)..
وقلت له:"اللي يجلس مع بنات..قليل أدب!!"
الأربعــــاء:
كنت اسمعهم يقولون(صدّام قوي)..وأعجبني...
بعد الأزمه..قالوا(حرامي ومجرم)..
سألتهم : كيف؟؟!!..قالوا : "حرامي ومجرم..وبس..واسكت..!"
وكنت أسمعهم بعد يقولون (جيم كاري..فاسد)..
فكرهته على طول..
وكانوا يشوفون أفلامه..ويضحكووون..
كنت أسألهم" ليش تضحكون؟!..
ما تقولون انه فاسد"...قالوا..ليش ما تنطم بس.!!!
الخميــــس:
أبوي يقول <االتدخين> حرام ..
واللي يدخن يدخل النار..
وفي يوم شفت ابوي جالس مع صديقه أبو حمد..
وأبو حمد ماسك السيجاره بيده..
وقفت وسألت ابوي""طيب اللي يجلس مع اللي يدخنون..يدخل النار بعد!!!"
الجمعــــة:
أسمعهم يقولون..ان اللي يطوّل في مكالمته يغازل..
واللي يروح للسوق يغازل..
واللي يعرف انترنت يغازل...
وامي تطول على التلفون,,وتروح للسوق,,وتطقطق على الكمبيوتر..
رحت لأبوي وانا مصدووووم : "أبوووووي الحق..
أمي تغازل!!!!
للاسف هذي صور من المجتمع ..
لكن سؤالي ... !!!!!
لماذا لانوضح للطفل المقصد الأساسي من هذا المنع أو من كلمة (عيب) ؟!
حتى لا يعمم كل مايراه ويُطبّق عليه هذا الوصف ..
كما في الصور السابقه! !
بالطبع هم لم يقصدوا ماقصده الطفل
ولكن لأنهم لم يوضحوا له ويفهموه لماذا عيب ولماذا حرام
راح ينظر لكل تصرف من زاوية ما فهمه هو !!!!!!
فما الفائده اذاً من التربيه
إذا لم نوضح هدفنا الأساس لأطفالنا ؟!!
ومارئيكم انتم بهذا الاسلوب
هل هو اسلوب صحيح في تنشئة الطفل
التنشئه السليمه ؟؟
كيف تكون التربيه والمنع
في هذه الامور المذكوره؟؟
ـــــــــــــــــــــــ
منقول كما وجدته
واتشوق لتفاعلكم
لكم كل الاحترام/// | |
|
